प्रथम एन्जल्स हार्ट राष्ट्रव्यापी पुरूष भलिबल प्रतियोगिता सम्पन्न

काठमाडौ, २३ जेठ । प्रथम एन्जल्स हार्ट राष्ट्रव्यापी पुरूष भलिबल प्रतियोगिता सम्पन्न भएको छ । पुरूष भलिबल प्रतियोगिताको समापनमा फाईनल खेल थ्रीस्टार एकेडेमी र न्युटन स्कुल बिच प्रतिस्पर्धामा थ्रीस्टार एकेडेमीले ५ सेटमा लगातार २ सेट र चौथो सेट जितेर च्यापियन बन्न

सफल भई रू एक लाख बराबरको पुरस्कार हात पार्न सफल भएको छ ।
प्रथम पुरस्कार को प्रायोजक प्रभु बैक केन्द्रीय कार्यालयले गरेको थियो र प्रथम पुरस्कार बितरण प्रभु बैंक मनमैजु शाखाका जागृत पुनले गरेका थिए । त्यसै गरि दास्रो पुरस्कार को प्रायोजक सर्वशक्ति बचत तथा ऋण सहकारी संस्था तारकेश्वर–१०, मनमैजु ले गरेको थियो त्यसैले दोस्रो पुरस्कार बितरण सोही संस्थाका अध्यक्ष सुरेन्द्र महर्जन र प्रबन्ध निर्देशक अमर महर्जन ले सयुक्त रूपमा बितरण गरेका थिए ।

उक्त खेल भरिको उत्कृष्ट खेलाडी घोषित थ्रीस्टारका बिसाल गुरूङले टी भि एस मोटरबाईक पाउन सफल भए । उक्त पुरस्कार बितरण प्रमुख अतिथि ठाकुर गैरेले बाईकको चाबी दिई पुरस्कार हस्तान्तरण गरेका थिए त्यसैगरि तेस्रो पुरस्कार रु पचिस हजार स्पाइरल ग्यालेक्सी पोखराले हात पार्न सफल भएको थियो त्यस्तै चाथो तथा सान्त्वना पुरस्कार रू पन्द्र हजार सहित सामाकोसी स्कुलले पाएको थियो । खेलमा अन्य ५ विदामा पनि राम्रो खेलाडीलाई ट्रफि सहित नगद पाँच हजार वितरण गरेको थियो । खेल आयोजना एन्जल्स स्पोर्ट एकेडेमी एण्ड रिक्रियसन सेन्टरले गरेको थियो भने फाईनल खेल ढोरपाटन क्लब नयां बसपार्कमा भएको हो ।