विश्वकप क्रिकेटमा दक्षिण अफ्रिकालाई भारतले ६ विकेटले हरायो, रोहितको सतक

आईसीसी एकदिवसीय विश्वकप क्रिकेट २०१९मा भारतले दक्षिण अफ्रिकालाई ६ विकेटले हराएको छ ।
टस जितेर पहिले ब्याटिङ रोजेको दक्षिण अफ्रिकाले पुरै ५० ओभरमा ९ विकेट क्षतिमा २२७ रन बनाइ भारतलाई २२८ रनको सामान्य लक्ष्य पश्केको थियो । दक्षिण अफ्रिकाले दिएकोे विजयी लक्ष्य भारतले ४७ ओभर ३ बलमा ४ विकेट गुमाएर भेट्टाएको हो । भारतका लागि रोहित शर्माले शतक प्रहार गरे । रोहितले नटआउट रहँदै १२२ रनको योगदान दिए । १४४ बल सामना गरेका उनले १३ चौका र २ छक्का प्रहार गरे । यस्तै ३४ बल खेलेका कप्तान विराट कोहली १८ रनमा आउट हुँदा महेन्द्रसिंह धोनीले ३४ रन बनाए । त्यस्तै केएल राहुलले २६ रन बनाए ।

दक्षिण अफ्रिकाका लागि कागिसो रबाडाले २ विकेट लिए । त्यस्तै क्रिस मोरिस र एन्डिल फेलुकवायोले एक(एक विकेट लिए । यसअघि टस जितेर पहिले ब्याटिङ रोजेको दक्षिण अफ्रिकाले निर्धारित ५० ओभरमा ९ विकेट गुमाउँदै २२७ रन बनाएको थियो । १५८ रन बनाउँदा सात विकेट गुमाएको दक्षिण अफ्रिकालाई क्रिस मोरिस र कागिसो रबाडाको ६६ रनको साझेदारीले माथि उठाएको हो । क्रिस मोरिसले सर्वाधिक ४२ रन बनाउँदा रबाडा ३१ रनमा नट आउट रहे । कप्तान फाफ डु प्लेसिस ४२ रनमा आउट हुँदा फेलुकवायोले ३८ रन जोडेका थिए ।

भारतका लागि बलिङतर्फ युजबेन्द्र चाहलले सर्वाधिक ४ विकेट र भुवनेश्वर कुमार, जसप्रित बुमराहले समान दुई-दुई विकेट खसाले ।