आईसीसी विश्वकप क्रिकेट अन्तर्गत बंगलादेश र न्यूजिल्याण्ड भिड्दै

काठमाडौं, २२ जेष्ठ । आईसीसी विश्वकप क्रिकेट २०१९ मा आज (बुधबार) बंगलादेश र न्यूजिल्याण्डबीच भिडन्त हुँदैछ । खेल नेपाली समयानुसार साँझ सवा ६ बजेदेखि लण्डनमा सुरु हुँदैछ ।

आतंकबादी हमलापछि न्यूजिल्याण्ड र बंगलादेश पहिलोपल्ट आमने सामने हुने भएकाले यो खेललाई रोचक मानिएको छ ।
विश्वकपमा विजयी सुरुवात गरेका दुवै टोलीको प्रतितष्पधात्मक हुने छ । लागि लगातारको जित नै मुख्य लक्ष्य हुनेछ । दुवै टोली शानदार लयमा छन् र यो खेल प्रतिस्पर्धात्मक हुने अपेक्षा गरिएको छ ।

कोलिन मुनरो र मार्टिन गुप्टिल दुवैले अर्धशतकीय पारी खेलेपछि श्रीलंकाबिरुद्धको पहिलो खेल न्युजिल्याण्डले १० विकेटले जितेको थियो । श्रीलंकालाई १ सय ३६ रनमै समेट्न म्याट हेनरी र लुकी फर्गुसनले शानदार बलिङ गरेका थिए ।

दक्षिण अफ्रिकाबिरुद्ध बंगलादेशका शकिव अल हसन र मुसफिकर रहिमको उत्कृष्ट पारी नै जितको आधार बनेको थियो । ३ सय ३१ रनको लक्ष्य पछ्याएको दक्षिण अफ्रिका ३ सय ९ रनमै समेटिएको थियो ।