न्युजल्याण्डसंग श्रीलंकाको लज्जास्पद हार, न्युजल्याण्ड १० विकेटले विजयी

जारी विश्वकप क्रिकेटमा श्रीलंकाले न्युजल्याण्डसँग लज्जास्पद हार बेहोरेको छ। शनिवार भएको खेलमा न्युजल्याण्ड १० विकेटले विजयी भएको छ । श्रीलंकाले दिएको १३७ रनको सामान्य लक्ष्य न्युजल्याण्डले १६औ ओभरमा विना विकेट भेट्टायो । जितका लागि मार्टिन गुप्टिल ७३ र कोलिन मुन्सो ५८ रनमा अविजित रहे ।
यसअघि श्रीलंकालाई १३६ रनमा अलआउट गरेको न्युजल्याण्डले मात्र १६.१ ओभरमा विकेट नगुमाई लक्ष्य भेट्टायो । यसअघि कार्डिफमा टस हारेर ब्याटिङ गरेको श्रीलंकाको सुरुवात निकै खराब रह्यो । मात्र चार रन जोड्दा लाहिरु थिरिमानेलाई गुमाएको श्रीलंकाले २९.२ ओभरमा १३६ रन बनाउँदा सबै विकेट गुमायो ।

उसका लागि कप्तान दिमुथ करुणारत्नेले अविजित ५२ रन बनाए पनि अरु ब्याट्सम्यान चल्न सकेनन् ।

न्युजल्याण्डका म्याट हेनरी र लोकी फर्गुसनले समान ३–३ विकेट लिएका थिए । जसले श्रीलंकालाई सस्तैमा समेट्न सफल भयो ।