राष्ट्रिय क्रिकेट टोलीको प्रशिक्षकमा पटवाल नियुक्त, ७ हजार अमेरिकी डलर पारिश्रमिक पाउने

काठमाडौं , जेठ १७ । नेपाली राष्ट्रिय क्रिकेट टोलीको प्रशिक्षकमा उमेश पटवाल नियुक्त गरिएको छ ।

७ हजार अमेरिकी डलर पारिश्रमिक पाउनेगरी पटवाल प्रशिक्षकमा नियुक्त भएका हुन्।

पटवालको पारिश्रमिक अन्तर्रा्ष्ट्रिय क्रिकेट काउन्सिल (आईसीसी) ले उपलब्ध गराउने राष्ट्रिय खेलकुद परिषद् (राखेप)का सदस्यसचिव केशवकुमार बिष्टले बताए ।

‘पटवाल नेपाल आइसकेका छन् । उनको पारिश्रमिक पनि आईसीसीले नै उपलब्ध गराउने छ’, सदस्यसचिव बिष्टले भने।

सदस्यसचिव बिष्टले राखेपले प्रशिक्षक उपलब्ध गराउनका लागि आईसीसीसँग अनुरोध गरेको थियो। सोही अनुसार आईसीसीले पटवाललाई प्रशिक्षकका रुपमा पठाउने निर्णय गरेको हो।

‘हामीले आगामी १३औं दक्षिण एसियाली खेलकुद प्रतियोगितालाई ध्यानमा राखी आईसीसीसँग प्रशिक्षकको माग गरेका थियौं’, बिष्टले भने, ‘पटवालको पारिश्रमिक आईसीसीले राखेपको खातामा पठाउने सहमती भएको छ।’

पटवालले जुन १० तारिखदेखि आफ्नो जिम्मेबारी समाल्ने छन्। नेपाल क्रिकेट संघ (क्यान) तीन वर्षभन्दा लामो समयदेखि आईसीसीको निलम्बनमा रहँदै आएको छ। यसअघि जगत टमाटा नेपाली राष्ट्रिय क्रिकेट टोलीको प्रशिक्षक थिए।