नेपालका लागि बेलायती राजदूतमा पोलिट नियुक्त

काठमाडौं, जेठ १६ । नेपालका लागि निकोला पोलिट बेलायती राजदूतमा नियुक्त भएकी छन् ।

वर्तमान राजदूत रिचार्ड मोरिसको कार्यकाल सकिनै लाग्दा बेलायतले पोलिटलाई नियुक्त गरेको हो । उनले नोभेम्बर २०१९ बाट कार्यभार सम्हाल्नेछिन् ।

सन् २००३ बाट बेलायतको कूटनीतिक सेवामा प्रवेश गरेकी उनी हाल पूर्वी युरोप तथा मध्य एसिया निर्देशनालयको अतिरिक्त महानिर्देशक छिन् ।