मुग्लिन सडक आजदेखि ९ घण्टा बन्द
Published On : 30 May, 2019 8:26 am
काठमाडौं, जेठ १६ । मुग्लिन सडक आजदेखि ९ घण्टा बन्द हुने भएको छ ।
पृथ्वीराजमार्ग अन्तर्गत चितवनस्थित मुग्लिन सडक आजदेखि दैनिक ९ घण्टा बन्द हुन लागेको हो ।
मुग्लिनमा निर्माणाधीन नयाँ आर्क पुलको दुवैतर्फको सडकका माटो कटिङ र कालोपत्रे लगायत काम गर्नका लागि सडक बन्द गर्न लागिएको सडक विभागले जनाएको छ ।
सडक विभागको पुल योजनामध्ये क्षेत्र सेक्टर नम्बर २ चाकुपाट ललितपुरले निकालेको सूचनाअनुसार आजदेखि जेठ ३० गतेसम्म मुग्लिन सडक दैनिक ९ घण्टा बन्द हुनेछ।
दिनहुँ बिहान ११ बजेदेखि दिउँसो ३ बजेसम्म र बेलुकी ९ बजेदेखि २ बजेसम्म सडक बन्द गरेर पुलको काम गर्न लागिएको हो।
प्रतिक्रिया दिनुहोस्