मोटरसाइकल चोरी गर्ने ६ जना प्रहरीको नियन्त्रणमा

काठमाडौं, जेठ १५ । विभिन्न स्थानबाट मोटरसाइकल चोरी गर्ने ६ जनालाई भक्तपुर प्रहरीले पक्राउ गरेको छ ।

प्रहरीले रामेछापका विजय मानन्धर, ओखलढुंगाका प्रविन बरुवाल, प्रेमबहादुर कटवाल र भिजन कार्की त्यसैगरी खोटाङका सुरेश राई, सिन्धुपाल्चोकका उमेश तामाङलाई प्रक्राउ गरेको हो ।

यसैगरी लागूऔषध ओसार–पसार तथा विक्री वितरण गर्ने एक जना पनि प्रहरीले नियन्त्रणमा लिएको छ ।

धनकुटा साँगुरीगढी गाउँपालिका–७ का २४ वर्षीया राजेश राईलाई नियन्त्रणमा लिएको महानगरीय प्रहरी परिसर भक्तपुरका प्रमुख प्रहरी उपरीक्षक हिमालयकुमार श्रेष्ठले बताए ।