पाकिस्तान विरुद्धको एकदिवसीय सिरिज इंग्ल्याण्डले जित्यो

काठमाडौ, ६ जेठ । पाकिस्तान विरुद्धको एकदिवसीय सिरिज इंग्ल्याण्डले जितेको छ ।
पाचौँ एकदिवसीय क्रिकेटमा पाकिस्तानलाई ५४ रनले हराएपछि इंग्ल्यान्डले सिरिज जितेको हो ।
खेलमा इंग्ल्यान्डले दिएको ३ सय ५२ रनको लक्ष्य पछाएको पाकिस्तान ४६ ओभर ५ बलमा २९७ रनमै अलआउट भयो । पाकिस्तानका लागि कप्तान सरफराज अहमेदले ९७ रनको अर्धशतकीय इनिङ्स खेले पनि टोलीलाई जित दिलाउन सकेनन् ।

यसअघि टस जितेर पहिले ब्याटिङ गरेको इंग्ल्यान्डले ५० ओभरमा ९ विकेट गुमाएर ३ सय ५१ रन बनाएको थियो ।

इंग्ल्यान्डका लागि जोय रुटले ८४ तथा कप्तान इयान मोर्गनले ७६ रनको अर्धशतकीय इनिङ्स खेले ।

यो जितसंगै इंग्ल्यान्डले पाकिस्तानविरुद्धको पाँच खेलको सिरिज आफ्नो पक्षमा पारेको छ ।