प्रिमियर लिग अन्तर्गत खेलमा आर्सनल विजयी

लण्डन (एजेन्सी) । प्रिमियर लिग अन्तर्गत गए राति आर्सनलले क्रिस्टल प्यालेसलाई ३–२ ले हराएको छ । आर्सनलको जितमा फरवार्ड एलेक्सिस सान्चेजले दुई गोल गरेका थिए ।

खेलको २५ औं मिनेटमा आर्सनल स्कोड्रान मुस्ताफिको गोलमार्फत अग्रता लिन सफल भएको थियो । तर एन्ड्रोस टाउन्सेन्डले प्यालेसका लागि ४९ औं मिनेटमा गोल गर्दै खेल बराबरीमा ल्याएका थिए ।

खेलको ६२ औं तथा ६६ औं मिनेटमा गोल गर्दै सान्चेजले आर्सनलको जित सुनिश्चित गरेका थिए । तर खेलको अन्तिम समयतिर घरेलु टोलीका जेम्स टोम्किन्सले गोल गर्दै टोलीलाई सान्तवना गोल दिलाए ।

यस जितका बावजुद आर्सनल तालिकाको छैटौं स्थानमा यथावत छ भने प्यालेस पनि १६ औं स्थानमा यथावत छ ।