एसएसपी सिंह भनछन् – केशव झाको हत्या अनुसन्धानमा सफलता पाउन सकिनँ

काठमाडौँ, बैशाख २६ । एसएसपी धिरजप्रताप सिंहले आफ्नो कार्यकालमा सहकर्मीहरुको खस्केको मनोबल बढाउन सकेको भन्दै सन्तुष्टि प्रकट गरेका छन्।

महानगरीय अपराध महाशाखाका प्रमुखका रुपमा जिम्मेवारी पूरा गरेर लागू औषध ब्यूरोमा सरुवा भएका एसएसपी सिंहले आफ्नो कार्यकालमा सहकर्मीहरुको खस्केको मनोबल बढाउन सकेको भन्दै सन्तुष्टि प्रकट गरेका छन्।

महाशाखा प्रमुखका रुपमा आफूले अधिकांश जिम्मेवारीहरु सफलतापूर्वक पूरा गरेको तर पूर्वराजदूत केशब झाको हत्याबारे भने सफलता पाउन नसकेको बताए। ‘पूर्वराजदूत केशब झाको हत्या प्रकरणमा भने सफलता हात परेको छैन,’ उनले भने।

यद्यपि सहकर्मीहरुको मनोबल खस्केको बेला आफू महाशाखामा आएको र उनीहरुलाई राम्रो महसुस गराउन सकेकामा भने सिंहले सन्तुष्टि प्रकट गरे।

आफ्नो पालामा संगठित अपराध कम भएको र कारागारभित्रबाट हुने आपराधिक गतिविधिमा पनि कमी आएको पनि उनले बताए। ‘कारागारभित्र रहेका अपराधीहरुलाई पनि निगरानी गरिरहेका समेत उनले बताए ।