मनमोहन मेमोरियल यू–१६ क्रिकेटको उपाधि प्रदेश २ को पोल्टामा
काठमाण्डौ , बैशाख २४ । मनमोहन मेमोरियल यू–१६ क्रिकेट प्रतियोगिताको उपाधि प्रदेश २ ले जितेको छ ।
कीर्तिपुर क्रिकेट मैदानमा भएको फाइनलमा प्रदेश २ ले सुदूरपश्चिम प्रदेशलाई चार विकेट विकेटले हराउँदै उपाधि उचालेको हो । टस जितेर पहिले ब्याटिङ गरेको सुदूरपश्चिमले १३४ रनको लक्ष्य दिएको थियो । उसका चार खेलाडीले मात्र दोहोरो अंक छुन सके ।
जसमा सुवास ऐयरले ४७, सन्दिप विष्टले २८ तथा आशिष भट्टले २१ रन बनाए । बलिङमा प्रदेश दुईका विशाल पटेल र निखिल सिंहले तीन तीन विकेट लिए ।
जसलाई प्रदेश २ ले २६ ओभर तीन बलमा ६ विकेट गुमाउँदै पूरा गर्यो । उसको जितमा रोहन विकले ३६, सेख इमरानले १४, निखिल सिंहले २७ तथा विशाल पटेलले २८ रन बनाए ।
प्रतियोगितामा उत्कृष्ट ब्याट्सम्यान प्रदेश तीनका आशिष भट्टराई बने भने बेष्ट बलर प्रदेश ती कै दिपक बोहोरा घोषित भए । यस्तै प्लेयर अफ द सिरिज सुदूरपश्चिमका सुवास ऐयर बने ।
इमर्जिङ खेलाडी प्रदेश तीनका भरगव चटौत बने । उपाधिसँगै प्रदेश २ ले २ लाख ५० हजार रूपैयाँ पायो भने उपविजेता सुदूरपश्चिमले एक लाख २५ हजार रुपैयाँ प्राप्त गर्यो ।
प्रतिक्रिया दिनुहोस्