विश्व कीर्तिमानी रकममा लिभरपुल भित्रिने भए भ्यान डाइक

लिभरपुल (एजेन्सी) । जनवरी ट्रान्सफर विन्डो सुरु हुन लाग्दै गर्दा इङ्लिस क्लब लिभरपुलले साउथ ह्याम्टनबाट २६ वर्षीय डिफेन्डर भर्जिल भ्यान डाइक खरिद गर्ने खबर सार्वजनिक गरेको छ ।

जनवरी १ मा विन्डो खुले लगतै डच सेन्टर ब्याक भ्यान डाइक लिभरपुलका खेलाडी बन्ने छन् । समर विन्डोदेखि नै उनलाई खरिद गर्न प्रयासरत लिभरपुल साउथह्याम्टनलाई ७५ मिलियन पाउन्ड तिर्ने सम्झौतामा पुगेको हो । यसले उनलाई विश्वको सबै भन्दा महंगो डिफेन्डर बनाउने छ ।

यसअघि म्यानचेस्टर सिटीले टोटेनह्यामबाट कायल वाल्करलाई किन्दा खर्चिएको ५४ मिलियन कुनै पनि डिफेन्डरमा लगानी गरिएको सबै भन्दा धेरै रकम थियो ।