हार्दिक पटेलले गरे नेपालीको अपमान, भने – “चौकिदार खोज्न नेपाल जान्छु !’’ (भिडियोसहित)

काठमाडौं, बैशाख १० । भारतीय कांग्रेस आईका युवानेता हार्दिक पटेलले नेपालीहरुको स्वाभिमानमा ठेस पुग्नेगरि चुनावी अभिव्यक्ति दिएका छन् ।

भारतका १सय १५ क्षेत्रमा आज भईरहेको चुनाव र राजनीतिबारे पत्रकारहरुले राखेको जिज्ञासामा कांग्रेस नेता पटेलले आफुलाई आवश्यक परे चौकीदार खोज्न नेपाल जाने बताएका हुन् ।

पटेल भारतमा पटिदार आन्दोलनबाट राजनीतिमा उदाएपनि हाल राहुल गान्धीको कार्यकर्ता बन्न कांग्रेस आईमा छिरेका छन् ।

यसअघि कांग्रेस आईकै पूर्वनेतृ एवं हाल आम आदमी पाटीका विधायक रहेकी अलका लाम्बाले पनि चौकीदार चाहिए नेपालबाट झिकाउन सक्ने अभिव्यक्ति दिएकी थिईन ।