विमानस्थलमा फेरि समातियो सुन, चार विदेशी महिला पक्राउ

काठमाडौं, बैशाख ८ । प्रहरीले त्रिभुवन अन्तर्रा्ष्ट्रिय विमानस्थलबाट डेढ किलो सुनसहित ४ जना विदेशी नागरिकलाई पक्राउ गरेको छ । पक्राउ परेका चारै जना महिला रहेको प्रहरीले जनाएको छ।

आइतबार विमानस्थलबाट एक हजार ६ सय ग्राम सुनसहित दुई जना कम्बोडियन र दुई थाई नागरिकलाई विमानस्थल सुरक्षार्थ खटिएको प्रहरी टोलीले पक्राउ गरेको हो।

थाई एयरबाट नेपाल आएका उनीहरुले ६ वटा चुरा र ३ पिस बिस्कुट आकारमा पाखुरामा लुकाएर ल्याएको अवस्थामा प्रहरीले नियन्त्रणमा लिएको थियो।

पक्राउ परेकाको अनुसनधान भइरहेको प्रहरीले जनाएको छ ।यो भन्दा अगाडी पनि यो भन्दा ठुलो परिणाममा सुन बरामद भएका थिए भने हुदै पनि आइरहेका छन् ।