दिल्लीबाट काठमाडौं आउँदैै गरेको बसमा बिस्फोटक पदार्थ भेटिएपछि……

फाइल तस्विर

काठमाडौं ,बैशाख ७ । भारतबाट काठमाडौं आउँदैै बसमा बिस्फोट पदार्थ फेला परेको भएको छ ।

नयाँदिल्लीबाट काठमाडौँंतर्फ आउँदै गरेको बसबाट गएराति कैलालीमा लत्ताकपडा, ल्यापटप, धारामा प्रयोग गरिने टुटी र डेटोनेटर ९बिस्फोटक पदार्थ० जस्तो देखिने सामग्री बरामद गरिएको हो ।

पूर्व–पश्चिम राजमार्गअन्तर्गत कैलालीको डुडेझारीमा गएराति ना ५ ख ७२४५ नं को बसलाई रोकेर जाँच गर्ने क्रममा १२ थान डिटोनेटर जस्तो देखिने सामग्री र करीब १६५ थान महिलाले लगाउने कपडा, दुई थान ल्यापटप, धाराको टुटीसहितका सामग्रीसहित बसलाई नियन्त्रणमा लिइएको डुडेझारी सशस्त्र प्रहरी कार्यालयका प्रहरी नायब उपरीक्षक नेत्र केसीले बताए ।

बरामद भएको डेटोनेटर जस्तो देखिने वस्तु डेटोनेटर भए नभएको बारे भने यकिन हुन सकेको छैन ।

विष्फोटक पदार्थ भए नभएको बारे जाँच गर्नका लागि जिल्ला प्रहरी कार्यालयको एक टोली घटनास्थलतर्फ गएको छ ।