नेशनल माइक्रोफाइनान्स वित्तिय संस्थाद्वारा हावाहुरी पीडितलाई राहत वितरण

काठमाडौं, २४ चैत । नेशनल माइक्रोफाइनान्स वित्तिय संस्था लिमिटेड शाखा कार्यालय मोतिसरले विनाशकारी हावाहुरीबाट प्रभावित संस्थामा आवद्ध भएका ग्राहक सदस्यहरुलाई राहत वितरण गरेको छ ।

कलैया उ.म.न.पा.वडा नं १८ मोतिसर स्थित शाखाले आफ्ना ग्राहकहरुलाई मोतिसरमा आवद्ध रहेका १८० जनाग्राहक सदस्यहरुलाई जनही चामल १ बोरा, चिउरा २ किलो, दाल १ किलो, चिनी १ किलो, नुन १ किलो, तेल १ लिटर, मशाला १ प्याकेट, झुल १ थान र तन्ना १ थान समाग्रीहरु वितरण गरिएको हो ।

राहतवितरण कार्यक्रमको प्रमुख अतिथी संस्थाको प्रमुख कार्यकारी अधिकृत रामबहादुर यादव र सभापतिमा वडा नं १८ का वडाध्यक्ष अम्बिका प्रसाद यादव, अतिथीहरुमा समाजसेवी, विभिन्न पार्टी प्रतिनिधी, बुद्धिजीवी नेशनल माइक्रोफाइनान्स वित्तिय संस्था लिमिटेड शाखाकार्यालय सिम्रौनगढको शाखाप्रमुख जय प्रकाश मंडल, शाखा कार्यालय पोखरीयाको शाखा प्रमुख अजयशंकर साह लगायत ग्राहक सदस्य तथा अभिभावकहरु गरि करीब ४०० जनाको उपस्थिती रहेको थियो ।

राहतवितरण कार्यक्रमका प्रमुख अतिथी तथा संस्थाका प्रमुख कार्यकारी अधिकृति रामबहादुर यादवले संस्थाले आफ्नो समाजिक उत्तरदायित्व अन्तर्गत संस्थामा आवद्ध भएका ग्राहक सदस्यहरुलाई हावाहुरीबाट पीडितलाई मलम लगाउने काम गरेको बताए । संस्थाले आफ्ना ग्राहक सदस्यहरुलाई कारोबार मात्र नभई सामाजिक उत्तरदायित्व अन्तर्गत ग्राहकको हकहितमा सधैंभरि विभिन्न कार्यक्रम गरेर लघुवित संस्थाहरु मध्ये एउटा छुट्टै पहिचान बनाएको छ ।