आइपिएल खेल्न सन्दीप भारत प्रस्थान

काठमाडौँ, चैत ६ । आइपिएल खेल्न सन्दीप भारत प्रस्थान गरेका छन् ।

भारतमा हुने बाह्रौ संस्करणको इण्डियन प्रिमियर लिग (इपिएल) खेल्न राष्ट्रिय क्रिकेट टोलीका सदस्य एवं लेग स्पिनर लामिछाने बुधबार त्यसतर्फ प्रस्थान गरेका हुन्।

यही चैत ९ गतेदेखि भारतका विभिन्न ठाउँमा शुरु हुने उक्त प्रतियोगितामा सहभागिता जनाउन सन्दिप जेट एअरवेजबाट दिल्ली प्रस्थान गरेका हुन्। सन्दिपको टिम दिल्ली क्यापिटल्सले आफ्नो पहिलो खेल यही चैत १० गते मुम्बई इण्डियन्ससँग खेल्नेछ।

गत सिजनको आइपिएपलमा दिल्ली डेयरडेभिल्सबाट खेल्दै सन्दिप आइपीएल खेल्ने पहिलो नेपाली खेलाडी बनेका थिए।

सन्दिपले गतवर्ष दिल्लीबाट अन्तिम तीन खेलमा पाँच विकेट लिँर्दै उत्कृष्ट खेल प्रदर्शन गरेका थिए।