आईपीएल खेल्न सन्दीप बुधबार दिल्ली जाँदै
काठमाण्डौ, चैत ५ । आईपीएल खेल्न नेपाली लेग स्पीनर सन्दीप लामिछाने बुधबार दिल्ली जाने भएका छन् ।
उनी इण्डियन प्रिमियर लिग आईपीएल खेल्नका लागि बुधबार त्यस तर्फ जान लागेका हुन् ।
दिल्ली जानुअघि सञ्चारकर्मीसँग कुरा गर्दै सन्दीपले आफू निकै उत्साहित रहेको प्रतिक्रिया दिए ।
कुनै पनि प्रतियोगिता खेल्न जाँदा आफूसँग देशको नाम जोडिने भएकाले राम्रो प्रदर्शन गर्ने जिम्मेवारी बोकेर दिल्ली जान लागेको प्रतिक्रिया दिए ।
जुन देशमा खेल्न जाँदा पनि मेरो साथमा देशको नाम जोडिएको हुन्छ, जति राम्रो गर्दै जान्छु, देशका लागि पनि राम्रो हुन्छ,’ सन्दीपले भने ।
आफ्नो प्रदर्शनले अन्य नेपाली खेलाडीलाई पनि राम्रो प्रेरणा हुने उनले बताए ।
नयाँ सिजनमा उत्कृष्ट प्रदर्शन गर्न सकेको खण्डमा बल्ल आफ्नो क्षमता प्रमाणित गर्न सक्ने प्रतिक्रिया सन्दीपको छ । पछिल्लो एक वर्ष उनी विश्वभरी क्रिकेट खेल्दै निकै व्यस्त भए ।
पाकिस्तान सुपर लिग खेलेर स्वदेश फर्किएका सन्दीपले ६ दिन नेपालमा नै बिताएका छन् ।
तीन वर्षका लागि सन्दीप दिल्लीमा आबद्ध छन् । उनले अर्को सिजन पनि यही टिमबाट खेल्नेछन् ।
इण्डियन प्रिमियर लिग शनिबारदेखि शुरु हुँदैछ । सन्दिप सहभागी भएको टिम दिल्लीले आइतबार मुम्बई इण्डियन्सविरुद्धको खेलबाट प्रतियोगिता शुरु गर्नेछ ।
प्रतिक्रिया दिनुहोस्