काठमाडौं, माघ २२ । अमेरिकाको क्यालिफोर्नियामा घरमा ठोक्एिर विमान दुर्घटना हुँदा पाँचजनाको ज्यान गएको छ । सानो आकारको विमान घरमा ठोक्किँदा पाइलट र विमानमा रहेका अरु चारजनाको ज्यान गएको सरकारी अधिकारीकाले पुष्टि गरेका छन् ।
उडिरहेको विमान लस एन्जलको योर्बा लिण्डामा एउटा घरमा ठोक्किएको प्रत्यपक्षदर्शीले बताएका छन् । घरमा ठोक्किएपछि विमानमा आगलागी भएको थियो ।
योर्बा लिण्डाको दक्षिण पूर्वमा रहेको स्थानीय विमानस्थलबाट उडेको केही मिनेटमै विमान दुर्घटनामा परेको हो ।
दुर्घटनामा ज्यान गुमाएकाको पहिचान सार्वजनिक गरिएको छैन । दुईजनाको स्थानीय अस्पतालमा उपचार भइरहेको अधिकारीले बताएका छन् ।
नेपाली समय अनुसार सोमबार बिहान साढे तीन बजे विमान दुर्घटना भएको हो ।
प्रतिक्रिया दिनुहोस्