युएईलाई हराउँदै कतार एसियन कप फुटबलको फाइनलमा Jagaran News Published On : 30 January, 2019 2:50 am काठमाडौं, माघ १६ । आयोजक युनाईटेड अरब ईमिरेट्स युएईलाई हराउँदै कतार एसियन कप फुटबलको फाइनलमा प्रवेश गरेको छ । युएईको आबुधाबीमा गएराति भएको दोस्रो सेमिफाइनलमा कतार ४–० को फराकिलो अन्तरमा विजयी भयो । फाइनलमा पुगेसँगै सन् २०२२ को विश्वकप आयोजक राष्ट्र कतारले आफुलाई कमजोर नठान्न विश्व फुटबललाई चुनौती समेत दिएको छ । कतारले अब एसियन कपको उपाधिको लागि जापानसँग खेल्नेछ । पहिलो सेमिफाइनलमा ईरानलाई पाखा लगाउँदै जापान फाइनलमा पुगेको थियो । फाइनल खेल आगामी शुक्रबार हुनेछ ।
प्रतिक्रिया दिनुहोस्