ब्राजिलमा बाँध भत्किँदा मृत्यु हुनेको संख्या ४० पुग्यो, ३ सयभन्दा बढी अझै बेपत्ता Jagaran News Published On : 27 January, 2019 2:14 am काठमाडौं,माघ १३ । ब्राजिलको दक्षिण पूर्वी क्षेत्रमा बाँध भत्किँदा मृत्यु हुनेको संख्या कम्तिमा ४० पुगेको छ । घटनामा ३ सयभन्दा बढी बेपत्ता भएको अधिकारीहरुले बताएका छन् । बेपत्ता भएकाहरुको जिवितै उद्धारको सम्भावना न्यून भएको स्थानीय उद्धारकर्मीहरुले बताएका छन् । मिनास गेरियस राज्यको बेलो होरिजोन्टे शहरमा एक्कासी पहिरो गएपछि बाँध फुटेको र ठूलो क्षति भएको हो । उद्धारकर्मीहरुले ५० जनाको उद्धार गरिएको जनाएका छन् । मिनासका गभर्नर रोमेउ जेमाले उद्धार प्रयास भइरहे पनि घटनामा परेकाहरु जिवितै पाइने आशा झिनो बनेको बताए ।
प्रतिक्रिया दिनुहोस्