फ्रान्सको बेकरी पसलमा ग्यास विस्फोट :मृत्यु हुनेको संख्या चार पुग्यो, ९ जनाको अवस्था गम्भीर

काठमाडौं, पुस ३० । फ्रान्सको पेरिसस्थित एक बेकरी पसलमा शंकास्पद ग्यास विस्फोटमा परी मृत्यु हुनेको संख्या चार पुगेको छ ।

विस्फोटमा भत्किएका भग्नावशेष हटाउने क्रममा थप एक महिलाको शव फेला परेपछि मृत्यु हुनेको संख्या चार पुगेको हो ।

घटनामा एक स्पेनीस नागरिकसहित दुई अग्नि नियन्त्रकको उपचारका क्रममा यसअघि नै निधन भएको थियो ।

घटनामा घाइते भएका ९ जनाको अवस्था गम्भीर छ । अन्य ४५ जना घाइतेको अवस्था भने सामान्य रहेको बताइएको छ ।