बिग ब्यास लिगः तेस्रो खेलको उत्कृष्ट प्रदर्शन संगै सन्दिप लामिछाने बिग ब्यासमा सर्वाधिक विकेट लिने खेलाडी

काठमाडौ, १२ पुष । अष्ट्रेलियामा जारी बिग ब्यास क्रिकेट लिगमा तेस्रो खेलको उत्कृष्ट प्रदर्शन संगै लेग स्पिनर सन्दिप लामिछाने सर्वाधिक विकेट लिने खेलाडी भएका छन् ।

मेलबर्न स्टार्सको तर्फबाट सिड्नी सिक्सर्स विरुद्ध आफ्नो तेस्रो खेलमा दुई विकेट लिएसँग प्रतियोगितामा ७ विकेट लिएका सन्दिप सबैभन्दा बढी विकेट लिने खेलाडी भएका छन् ।

दोस्रो ओभरको दोस्रो बलमा सिड्नीका कप्तान मोइजेस हेनरिक्सलाई आउट बनाएका थिए भने आफ्नो तेस्रो ओभरको अन्तिम बलमा टोम कुरानलाई आउट बनाए ।

टस जितेको सन्दीपको मेलबर्नले फिल्डिङ गरिरहेको छ ।

बिग ब्यासमा सनसनी मच्चाइरहेका सन्दिपले पहिलो खेलमा सिड्नी थन्डर्स विरुद्ध २ विकेट र दोस्रो खेलमा होबार्ट हुरिकेन्स विरुद्ध ३ विकेट लिएका थिए ।