बिग ब्यास लिगः अस्ट्रेलियामा चम्किरहेका सन्दिपले आज दोस्रो खेल खेल्दै
Published On : 24 December, 2018 2:33 am
काठमाडौं, पुस ९ । अस्ट्रेलियामा जारी बिग ब्यास लिग अन्तर्गत आफ्नो पहिलो खेलको पहिलो ओभरमै दुई विकेट लिदै उत्कृष्ट सुरुवात गरेका सन्दिप लामिछानेले आज आफ्नो दोस्रो खेल खेल्दैछ्न ।
सन्दिप आवद्ध मेलबर्न स्टार्सले नेपाली समय अनुसार आज बिहान १० बजे होवर्ट ह्युरिकेन टिमसङ्ग प्रतिस्पर्धा गर्दैछ । खेल बेलिरिभ होवर्ड मैदानमा हुदैछ ।
आज हुने खेलमा ग्लेन म्याक्सवेलको कप्तानिमा रहेको मेलबर्न टिम म्याथ्यु वेडको कप्तानिमा रहेको टिम होवर्ट विरुद्ध जित निकाल्दै प्रतियोगितामा पहिलो जित निकाल्ने दाउमा रहेको छ भने होवर्ट टिम दोस्रो खेलमा लगातार दोस्रो जितको खोजीमा रहेको छ ।
गत शुक्रबार क्यानबेरामा सम्पन्न आफ्नो पहिलो खेल वर्षाले प्रभावित भए पछि सन्दिपको टिमले सिड्नी थन्डर्स विरुद्ध डक वर्थ लुईस नियमको आधारमा १५ रनको पराजय बेहोरेको थियो ।
प्रतियोगिता अन्तर्गत पहिलो खेलमा नै आफ्नो टिम पराजय भए पनि सन्दिपले भने व्याक्तिगत रूपमा राम्रो प्रदर्शन गरेका थिए । ४ ओभर बलिङ गरेका सन्दिप लामिछानेले ३६ रन खर्चेर दुई महत्त्वपूर्ण विकेट लिएका थिए ।
प्रतिक्रिया दिनुहोस्