निर्मलाको न्यायको माग गर्दै विद्यार्थीहरुद्वारा माइतीघर मण्डलामा प्रदर्शन(फोटोफिचरसहित)
Published On : 5 December, 2018 6:22 am
काठमाडौं, मंसिर १९ । पुलचोक इन्जिनियरिङ्ग क्याम्पसका विद्यार्थीहरुले निर्मला पन्तको न्यायका लागि माइतीघर मण्डलामा प्रदर्शन गरेका छन ।
उनीहरुले यु वन जष्टिक्स,इस्टप रेप नाउ ,यो राजनीति कि राक्षसनीति, निर्मलालाई न्याय दे ,सरकार भेटियो न्याय भेटिएन लगाएतका नाराबाजी सहित प्रदर्शन गरेका हुन् ।
उनीहरुले हामी सबै निर्मला हौ, हामी सबैको सुरक्षीत जिउने मौलिकहकछ । तर सरकार अन्धो र मौन छ हाम्रो अन्तिम लक्ष्य निर्मला जस्तालाई न्याय दिनु नै हो भन्दै नाराबाजी गरि प्रदर्शन गरेका थिए ।
बलात्कारपछि हत्या गरिएकी बालिका निर्मला पन्तलाई न्यायको माग गर्दै सार्वजनिक स्थलमा टाँसिएको पोस्टर प्रहरीले नै च्यातेपछि झन सरकारप्रति आन्दोलन चर्किएको छ ।
महेन्द्रनगर उल्टाखामकी १३ वर्षीया निर्मला पन्तको १० साउनमा बलात्कारपछि हत्या भएको थियो ।
घटनामा सुरुदेखि पीडितलाई असहयोग गर्नुका साथै कतिपय प्रमाणसमेत नष्ट गरेपछि प्रहरी विवादमा तानिएको थियो ।
छानबिनका लागि अनेक समिति गठन हुँदा पनि प्रहरीले दोषी पत्ता लगाउन सकेको छैन । त्यसैले, सरकारलाई दबाब दिन आन्दोलन जारी छ ।
प्रतिक्रिया दिनुहोस्