काठमाडौं , मंसिर १४। सफल पोखरा अन्तर्राष्ट्रिय म्याराथन प्रतियोगिताको १३औं संस्करण आगामी फागुन ७ गते हुने भएको छ ।
आयोजक भूतपूर्व खेलाडी मन्च नेपालले शुक्रबार पोखरामा पत्रकार सम्मेलन गरी प्रतियोगिताबारेमा जानकारी गराएको हो ।
प्रतियोगितालाई सुजल डेरीले साथ दिने भएको छ । पुरस्कार राशी पनि बढाइएको छ ।
यो वर्षको विजेता धावकले नगद एक लाख रुपैयाँ पुरस्कार पाउनेछन् । उपविजेताले ७० र तेस्रो हुनेले ५० हजार रुपैयाँ प्राप्त गर्ने आयोजकले जनाएको छ । गत वर्ष विजेताले ६० हजार, उपविजेताले ४० हजार र तेस्रो हुनेले २५ हजार रुपैयाँ पाएका थिए ।
म्याराथन सन्चालनका लागि मञ्च र डेरीबीच समझदारीपत्रमा हस्ताक्षर भएको छ ।
सो अवसरमा सुजल डेरीका कार्यकारी निर्देशक सुनिल श्रेष्ठले खेलकुदको माध्यमबाट पोखरा चिनाउनका लागि म्याराथनलाई डेरीले साथ दिएको बताए ।
भूतपूर्व खेलाडी मन्चका अध्यक्ष तेजबहादुर गुरुङले यो प्रतियोगिताले पोखराको गरिमा र महत्व बढाउन महत्वपूर्ण सहयोग पुग्ने विश्वास व्यक्त गरे ।
प्रतिक्रिया दिनुहोस्