‘ लैंगिक हिंसाविरुद्ध सरकार दृढतापूर्वक लागिरहेको छ ‘: परराष्ट्रमन्त्री ज्ञवाली
Published On : 25 November, 2018 10:35 am
काठमाडौं, मंसिर ९ । परराष्ट्रमन्त्री प्रदिप ज्ञवालीले लैंगिक हिंसाविरुद्ध सरकार दृढतापूर्वक लागिरहेको बताएका छन् ।
लैंगिक हिंसा अन्त्यका लागि सरोकारवाला निकायको जिम्मेवारी र भूमिका विषयक कार्यक्रममा बोल्दै उनले पितृसत्तात्मक सोच नै लैङ्गिक हिंसाको प्रमुख कारक रहेकाले यसविरुद्ध अभियान नै चलाउनु आवश्यक रहेको बताए ।
परराष्ट्रमन्त्री ज्ञवालीले कञ्चनपुरकी निर्मला पन्तको हत्याकाण्डको दोषी अहिले उम्किएजस्तो देखिए पनि छिट्टै पत्ता लाग्ने बताए ।
परराष्ट्रमन्त्री ज्ञवालीले बालबालिकालाई माया र यौन दुर्व्यवहारबीचको फरक बुझाउनु जरुरी रहेको भन्दै सबै मिलेर लैंगिक हिंसाविरुद्ध जनचेतना बढाउन आवश्यक रहेको धारणा राखे ।
प्रतिक्रिया दिनुहोस्