सप्तरी दुर्घटना अपडेट: ५ जनाको मृत्यु , तीन दर्जनभन्दा बढी घाइते Jagaran News Published On : 24 November, 2018 1:34 am काठमाडौं, मंसिर ८ । सप्तरीको हनुमाननगर कंकालिनी नगरपालिका–१० इनरुवामा हिजो साँझ भएको बस दुर्घटनामा ५ जनाको मृत्यु भएको छ । बराह क्षेत्रमा लागेको कुम्भ मेला भरेर फर्किएका यात्रु सवार को १ ख २७९९ नम्बरको बस पल्टिएको हो । दुर्घटनामा परी बेचनीदेवी यादव, भुटनीदेवी यादव, सिक्किलदेवी साह, दिनेश रजक र उनकी श्रीमतीको मृत्यु भएको छ । दुर्घटनामा तीन दर्जनभन्दा बढी घाइते भएका छन् । गम्भीर घाइते ११ जनालाई बीपी कोइराला स्वास्थ्य विज्ञान प्रतिष्ठान धरान पठाइएको छ भने बाँकीको सगरमाथा अस्पतालमा उपचार भइरहेको छ ।
प्रतिक्रिया दिनुहोस्