काठमाडौं, असोज २४ । काठमाडौंको सितापाइला चोकमा गएराति ट्याक्सीले मोटरसाईकललाई ठक्कर दिंदा एक जनाको मृत्यु भएको छ भने अन्य दुईजना घाइते भएका छन् ।
मृत्यु हुनेमा मोटरसाईकल चालक काभ्रेपलान्चोकको रोशी गाउँपालिका घर भई कलंकी बस्ने २३ वर्षीय निरज लामा रहेको प्रहरीले जनाएको छ । उनको उपचारको क्रममा मनमोहन अस्पताल स्वयम्भुमा गएराति पौने २ बजे मृत्यु भएको हो ।
दुर्घटनामा घाइते भएका मोटरसाईकलमा पछाडी सवार रोशी गाउँपालिका कै २३ वर्षीय प्रकाश तामाङको राष्ट्रिय ट्रमा सेन्टरमा उपचार भइरहेको छ । ट्याक्सीमा सवार स्याङजाको भिरकोट नगरपालिका ६ का ३१ वर्षीय खगेन्द्र थापा भने उपचार पश्चात घर फर्किसकेका छन् ।
गएराति सवा १२ बजे बा२ज २५६९ नम्बरको ट्याक्सीले बा६६प ४६०९ नम्बरको मोटरसाईकललाई ठक्कर दिएको थियो । ट्याक्सी चालकलाई महानगरीय प्रहरी वृत्त स्वयम्भुले नियन्त्रणमा लिएको छ ।
प्रतिक्रिया दिनुहोस्