जुवाको अड्डामा प्रहरीको छापा: तेस्रो तलाबाट हाफ फालेर भाग्न खोज्दा दुई जनाको ज्यान गयो
Published On : 6 October, 2018 2:34 am
काठमाडौं, असोज २० । काठमाडौंको मूलपानीमा घरमा जुवातास खेलिरहेकाहरुलाई प्रहरीले पक्रने क्रममा २ जनाको ज्यान गएको छ ।
ज्यान गुमाउनेमा ४३ वर्षका सरोज घले र ३० वर्षका सुमन लामा रहेका प्रहरीले जनाएको छ । उनीहरुको ठेगाना खुलेको छैन् । प्रहरीले पक्रन खोज्दा भाग्ने क्रममा घरको तेश्रो तल्लाबाट हामफाल्दा उनीहरुको ज्यान गएको प्रहरीको दावी छ ।
जुवातास खेलिरहेको भन्ने सूचना पाएपछि महानगरीय प्रहरी परिसरका काठमाडौंका प्रहरी नायव उपरीक्षक डीएसपी होमेन्द्र बोगटीको नेतृत्वमा खटिएको टोली जुवा खेलाइ राखिएको घरमा पुगेको थियो ।
प्रहरी पुग्नेबित्तिकै जुवा खेलिरहेका २ जना तेश्रो तल्लाबाट हाम फालेका थिए । हामफालेका दुवै जनाको उपचारका क्रममा ज्यान गएको प्रहरीले जनाएको छ ।
जुवाको अड्डाबाट २३ जना पक्राउ परेको प्रहरीले जनाएको छ । साथै उनीहरुबाट चार लाख रुपैयाँ पनि बरामद गरिएको प्रहरीले जानकारी दिएको छ ।
प्रतिक्रिया दिनुहोस्