थानकोट–पिपलामोड सडकमा राति गाडी चलाउन रोक

काठमाडौं, असोज १६ । त्रिभुवन राजपथ अन्तर्गत नागढुङ्गा–पिपलामोड सडकखण्डमा सवारीसाधन आवागमन रोकिने भएको छ । काठमाडौँ आउजाउ गर्ने मुख्य नाका थानकोट–पिपलामोड सडक खण्डमा रातिको समयमा गाडी चलाउन रोक लगाइने भएको हो ।

सडक डिभिजन कार्यालय काठमाडौंले यो सडक खण्ड मर्मतको काम सुरु भएकाले असोज २२ गतेसम्म राति ८ बजेदेखि बिहान ५ बजेसम्म यात्रु र मालवाहक गाडी सञ्चालनमा रोक लगाइएको हो । सोमबारदेखि रातिको समयमा गाडी रोकेर मर्मत थालिएको छ ।

खाल्डाखुल्डी र धुवाँ धुलोले हैरान भएको भन्दै स्थानीय बासिन्दाले गुनासो गरेपछि सडक डिभिजन कार्यालयले रातिको समयमा गाडी बन्द गरेर मर्मतसम्भारको काम सुरु गरेको हो ।