दशैंका लागि हवाई टिकटः विगतको तुलनामा यस वर्ष हवाई यात्रामा आकर्षण बढ्यो
Published On : 27 September, 2018 5:14 am
काठमाडौं, असोज ११ । यस वर्षको दशैंका लागि हवाई टिकटको माग बढेको छ । विगतको तुलनामा यस वर्षको दशैंका लागि हवाई टिकटको माग बढेको एयरलाइन्स कम्पनीहरुले बताएका छन् ।
बसको यात्रा मात्र होइन टिकट काट्नै सास्ती भोग्नुपर्ने भएकाले पनि हवाई यात्रामा आकर्षण बढिरहेको छ । हवाई जहाजको टिकट अनलाइनबाटै बुक गर्न सकिन्छ ।
दशैंका लागि काठमाडौं उपत्यकाबाट बाहिरिने यात्रुहरुको चाप स्थलमार्गसँगै हवाईमार्गमा पनि देखिएको हो ।
आन्तरिक उडान भर्दै आएका हवाई कम्पनीहरुकाअनुसार दशैंका लागि टिकट धमाधम बुकिङ भइरहेका छन् ।
बसको अग्रिम टिकट बिक्रीमा भएको किचलोका कारण पनि हवाई मार्गमा चाप बढेको हो ।
प्रतिक्रिया दिनुहोस्