बन्दले कैलालीको धनगढीको जनजीवन प्रभावित, यात्रुहरु अलपत्र

काठमाडौ , आसोज ११ । राजधानीको माग गर्दे धनगढी आज बन्द रहेको छ । नेपाली कांगे्रसले आह्वान गरेको बन्दका कारण धनगढीको जनजीवन समेत प्रभावित भएको छ । प्रदेश राजधानी गोदावरी सार्न संसदलमा टेबुल भएको प्रदेश राजधानीको प्रस्तावको विरोधमा आज धनगढी बन्दको आह्वान गरिएको हो ।
बन्दका कारण धनगढीबाट लामो तथा छोटो दुरीका लागि छुट्ने गाडीहरु चलेका छैनन् । प्रदर्शनकारीहरुले विद्युतीय रिक्सा समेत चल्न नदिए पछि घरबाट छोटो दुरीको गन्तव्यमा हिँडेका यात्रुहरु समेत अलपत्र परेका छन् । विद्यालय र पसलहरु पनि बन्द छन् भने प्रदर्शनकारीले पार्कमोडमा प्रदर्शन सुरु गरिसकेका छन् ।