जब  काठमाडौंको स्वयम्भूमा कारभित्र एक पुरुष मृत भेटिए

काठमाडौं, भदौ २१ ।  काठमाडौंको स्वयम्भूमा कारभित्र एक पुरुष मृत भेटिएका छन् । बिहिबार बिहान स्वयम्भु हाइटमा पार्किङ गरेर भित्रबाट रगत बगिरहेको अवस्थामा गाडी फेला परेपछि खैलाबैला समेत मच्चिएको थियोे ।
स्थानीयले लगत्तै प्रहरीलाई खबर गरका थिए त्यसपछि महानगरीय प्रहरी वृत स्वयम्भुबाट प्रहरी टोली खटियो ।
स्वयम्भु मन्दिरको पैसा फाल्ने स्थानभन्दा तल पार्किङ गरिराखेको अवस्थामा रहेको निजी कारमा प्रहरीले एउटा शव फेला पार्यो ।
बा ८ च ७०२१ नम्बरको स्विफ्ट कारभित्र पछाडीको सिटमा घोप्टो पारेर राखिएको अवस्थामा शव रहेको थियो ।
उक्त शव काठमाडौंको नैकाप बस्ने ३२ वर्षीय श्याम श्रेष्ठ रहेको प्रहरीले जनाएको छ ।