स्विजरल्याण्डद्धारा नेपाललाई २ अर्बको अनुदान दिने प्रतिवद्धता

काठमाडौं, २०, भाद्र ।स्वीस सरकारले नेपाललाई २ अर्ब रुपैयाँ अनुदान सहयोग दिने प्रतिवद्धता जनाएको छ। स्वीस सरकारले युवा पलायन रोक्न आगामी ४ वर्षको लागि उक्त अनुदान दिने सहमति गरेको छ।

बुधवार उक्त सम्झौतापत्रमा नेपालको तर्फबाट अर्थ सचिव राजन खनाल र नेपालका लागि स्विजरल्याण्डका राजदूत एचई एलिसाबेथ भोन क्यापेलेरले हस्ताक्षर गरे।

संघियताको खर्च व्यवस्थामा सघाउन पनि उक्त रकम प्रयोग गर्ने समझदारी पत्रमा उल्लेख छ।

वैदेशिक रोजगारीमा गएका कामदारका परिवार सदस्यलाई जिविकोपार्जनमा सघाउने र वैदेशिक रोजगार प्रवद्र्धन बोर्डसँगको सहकार्यमा वैदेशिक रोजगारलाई व्यवस्थित गर्न नीति नियम परिर्वतन गर्न सघाउने पनि जनाइएको छ।