दिल्लीमा मोदीको ब्रिफिङ : ओलीजीले ठूलो सम्मान दिनुभयो

काठमाडौं । भारतीय प्रधानमन्त्री नरेन्द्र मोदीले चौथो विम्स्टेक शिखर सम्मेलनमा भाग लिन आउँदाको २ दिने काठमाडौं बसाई अत्यन्तै सफल भएको बताएका छन् ।

नयाँ दिल्लीमा आफू निकट उच्च पदस्थ नेताहरुलाई आफ्नो काठमाडौं बसाई सफल भएकोमात्रै ब्रिफिङ गरेनन् नेपालका प्रधानमन्त्री केपी शर्मा ओलीले न्यानो स्वागत तथा सत्कारसमेत गरेको सुनाए ।

मोदीको ब्रिफिङ सुनाउँदै नयाँ दिल्लीस्थित् उच्च स्रोतले भन्यो,‘मेरो २ दिने नेपाल बसाई अत्यन्तै सफल भयो । विमस्टेक सम्मेलन ईतिहाँसमै अनुपम र उदाहरणीय भयो । शिखर सम्मेलनमा मैले अघि सारेका एजेण्डाहरु कार्यान्वयन हुने संकेत देखिएको छ । यो खुशीको कुरा हो।’

मोदीले आफूलाई नेपालका प्रधानमन्त्री ओलीले दिएको सम्मान र आतिथ्यता सम्माजनक रहेको पनि सुनाएका थिए । दिल्लीस्थित् एक उच्च स्रोतले दिएको जानकारी अनुसार मोदीले नेपालमा अब भारतीय लगानीको ओईरो लाग्ने पनि विश्वास व्यक्त गरेका थिए ।