संघीय मामिला मन्त्रालयद्वारा स्थानीय तहको करबारे छानबिन सुरु

काठमाडौैं।  स्थानीय तहले लिइरहेको विभिन्न शीर्षकका करबारे अध्ययन गर्न  समिति गठन गरेको छ।

सङ्घीय मामिला तथा सामान्य प्रशासन मन्त्रालयका सचिव दिनेश थपलियाको संयोजकत्वमा अर्थमन्त्रालयका राजश्व सचिव शिशिर ढुङ्गाना र राष्ट्रिय प्राकृतिक स्रोत तथा वित्ति आयोगका सचिव डा वैकुण्ठ अर्याल सदस्य रहेको अध्ययन समिति गठन गरिएको हो।

सङ्घीय मामिला तथा सामान्य प्रशासन मन्त्रालयका प्रवक्ता सुरेश अधिकारीका अनुसार समितिले १५ दिनभित्र स्थानीय तहको करका सम्बन्धमा प्रतिवेदन बुझाउनेछ ।

समितिले स्थानीय तहमा देखिएको करका समस्याको समाधान उपायसहित प्रतिवेदन सरकारलाई बुझाउने उनले जानकारी दिए।

स्थानीय तहले जथाभावी कर लिएपछि आलोचना भइरहेको छ। संघीय सरकार पनि यसमा मुकदर्शन भएको आरोप लागेपछि अध्ययन गर्न समिति गठन भएको हो।