बुद्ध एयरले आइतबारदेखि पोखराबाट बिहानै ७ बजेदेखि उडान भर्ने

काठमाडौं । बुद्ध एयरले आइतबारदेखि बिहान ७ बजे नै पोखरादेखि काठमाडौंका लागि उडान भर्ने भएको छ ।

यसअघि बिहान ८ बजे भन्दा अगाडि उडान नभएकोमा अबदेखि एउटा जहाज पोखरामै राखेर ७ बजे नै नियमित उडान सुरु गर्न लागेको बुद्ध एयरका पोखरा स्टेशन म्यानेजर गौतम बरालले जानकारी दिए ।

७ बजेको उडानबाट यात्रुलाई प्रत्यक्ष लाभ मिल्ने अपेक्षा राखेको उने सुनाए । “कसैलाई जरुरी काम परेर काठमण्डौं जानु परेमा बुद्ध एयरबाट ७ बजे नै गएर सबै काम सकेर समय मै पोखरा फर्कन सजिलो हुन्छ” उनले भने ।

काठमाडौंमा जहाज पार्किङ, ट्राफिक व्यवस्थापन जस्ता समस्या भएकाले प्रत्येक एयरको १ वटा एयर काठमाडौं बाहिर राख्नु पर्ने नियम बनेकोउनले जानकारी दिए ।

पोखराबाट काठमाडौंका लागि बुद्ध एयरले दैनिक ७ उडानबाट सेवा दिँदै आएको छ ।