जापानमा वर्षाका कारण अहिले सम्म एक सयको मृत्यु

Emergency teams rest outside of structural damage caused by heavy rains, Monday, July 9, 2018, in Hiroshima, Japan. Rescuers were hard at work searching for dozens still missing in southwestern Japan after heavy rains that left residents returning to their homes speechless and unsure where to start the recovery and cleanup due to the extent of damage from flooding and mudslides. (AP Photo/Haruka Nuga)

टोकियो । जापानको पश्चिमी क्षेत्रका केही इलाकाहरुमा परेको अविरल वर्षाका कारण सोमबार बिहान सम्ममा एक सय जनाको मृत्यु भएको जापानी अधिकारीले पुष्टि गरेका छन् ।

सोमबार बिहानसम्म मृत्यु हुनेको सङ्ख्या एक सय पुगेको जापानको राष्ट्रिय टेलिभिजन प्रशारण संस्था, एनएचकेले जनाएको छ । सो टेलिभिजनका अनुसार अविरल वर्षा र बाढीको प्रकोप केही दिनदेखि जारी छ । पहिरोमा परी धेरैको ज्यान गएको छ । केही दिन यताको अविरल बाढी र पहिरोका कारण दर्जनौँ व्यक्ति हराइरहेका बताईएको छ ।

सोमबार सरकारी अधिकारीले दिएको जानकारीअनुसार पहिरोको जोखिममा रहेका स्थानबाट २५ लाख भन्दा बढी व्यक्तिलाई सुरक्षित स्थानमा लगिएको वा सर्न निर्देशन दिइएको बताएका छन् । हराएकाको खोजी तथा उद्धार कार्यमा हजारौँ सेना तथा प्रहरी परिचालन गरिएको छ । जापानको क्योडो समाचार संस्थाले मृत्यु हुने धेरैजसो पहिरोमा पुरिएका जनाएको छ ।

जापानको राजधानी टोकियोदेखि छ सय किलोमिटर पश्चिममा अवस्थित मोतोयामा नगरमा वर्षा र बाढीको प्रकोप बढेको बताइएको छ । हिरोसिमामा पनि बाढी र पहिरोको प्रकोप जारी छ ।

यस्तै जापानी प्रधानमन्त्री सिन्जा आबेले सोमबार जापानी अधिकारीहरुलाई बाढी र पहिरोको प्रकोप न्युनिकरण गर्न तथा खोजी र उद्धार कार्य कुशलतापूर्वक सञ्चालन गर्न सुरक्षा निकाय र सबै उद्धारकर्मीहरुलाई निर्दशन दिएका छन् ।