पत्रकार किशोर श्रेष्ठ पक्राउ, कडा आन्दोलन अघि सार्ने महासंघको चेतावनी

काठमाडौं, २८ साउन । पत्रकार किशोर श्रेष्ठ पक्राउ परेका छन् ।

उनलाई प्रहरीले ललितपुरको कुसुन्तीबाट पक्राउ गरेको हो । प्रहरी उच्च स्रोतले पक्राउ गरेको जानकारी दिएको छ । उनलाई अहिले जिल्ला प्रहरी परिसर काठमाडौंमा राखिएको छ । परिसरका एसएसपी दिलिप घिमिरेका अनुसार सप्तरी ३ अमरकान्त चौधरीको उजुरीको आधारमा पक्राउ गरिएको हो ।

केहीदिन अघि श्रेष्ठले सासद चौधरीसङ्ग एक युवतीको तस्वीर सार्वजनिक गरेका थिए ।

यस्तै पत्रकार किशोर श्रेष्ठ पक्राउको विरोधमा नेपाल पत्रकार महासंघले कडा आन्दोलन गर्ने चेतावनी दिएको छ। महासंघका अध्यक्ष निर्मला शर्मासहित पत्रकार तथा सञ्चारकर्मीहरूले काठमाडौं प्रहरी परिसर अगाडि धर्ना दिँदै श्रेष्ठको पक्राउप्रति आपत्ति जनाएका हुन्।

धर्नाका क्रममा महासंघले पत्रकार श्रेष्ठलाई पक्राउ गरिएको विषयमा तत्काल स्पष्ट धारणा सार्वजनिक गर्न सम्बन्धित निकायसँग माग गरेको छ।

महासंघ अध्यक्ष निर्मला शर्माले पत्रकारको स्वतन्त्रता र प्रेस स्वतन्त्रतामाथि हस्तक्षेप स्वीकार्य नहुने भन्दै तत्काल समस्या समाधान नभए महासंघले थप कडा आन्दोलन अघि बढाउने चेतावनी दिएकी छन्।

महासंघले पत्रकारलाई पक्राउ गर्नुको कारण सार्वजनिक गर्न, कानुनी प्रक्रिया पारदर्शी बनाउन तथा पत्रकारको संवैधानिक अधिकारको सम्मान गर्न माग गरेको छ। पत्रकार श्रेष्ठमाथि लागेको आरोप र पक्राउको कानुनी आधारबारे सम्बन्धित निकायबाट आधिकारिक विवरण सार्वजनिक हुन बाँकी छ।

महासंघले आफ्ना माग सम्बोधन नभए चरणबद्ध रूपमा आन्दोलन अघि बढाउने जनाएको छ। यो प्रकरणले प्रेस स्तन्त्रतामाथी सरकारको धरपकट भएको विल्लेष्ण हुछ ।