इरानका स्टार स्ट्राइकर सरदार आजमुन विश्वकप टोलीमा बाहिर

जेष्ठ, १९ काठमाडौं ।  इरानका चर्चित स्ट्राइकर सरदार आजमुनलाई सन् २०२६ को फिफा विश्वकपका लागि इरानी राष्ट्रिय टोलीमा समावेश गरिएको छैन।

इरानी सरकारप्रति अविश्वास देखाएको आरोपबीच आजमुन टोलीबाट बाहिर राखिएको बताइएको छ। हाल संयुक्त अरब इमिरेट्सको ‘शबाब अल-अहली’ क्लबबाट खेलिरहेका ३३ वर्षीय स्ट्राइकर आजमुनले गत मार्चमा यूएईका शासक मोहम्मद बिन रसिद अल मकतूमसँग फोटो खिचेर सार्वजनिक गरेका थिए, जसका कारण राजनीतिक विवाद उत्पन्न भएको विश्वास गरिएको छ।

इरानी प्रशिक्षक अमिर घालेनोईले प्रारम्भिक टोलीमा समेत आजमुनलाई समावेश नगरेका थिए। यसले गर्दा सन् २०२६ को विश्वकपमा इरानको सहभागिता अन्योलमा रहेको बेला उनको टोली बाहिर रहनुले चर्चा पाएको छ।

विश्वकप संयुक्त रूपमा अमेरिका, क्यानडा र मेक्सिकोमा आयोजना हुँदैछ। इरानी टोलीले आफ्नो प्रशिक्षण केन्द्र मेक्सिकोमा सारिएको छ। मेक्सिकोकी राष्ट्रपति क्लाउडिया सेनबाउमका अनुसार अमेरिकाले इरानी टोलीलाई स्वागत गर्न नचाहेको कारण प्रशिक्षण केन्द्र त्यहाँ सारिएको हो।

इरानले विश्वकपमा खेल्ने तालिका यस प्रकार छ:

• जुन १५: इरान vs न्युजिल्याण्ड (लस एन्जलस)
• जुन २१: इरान vs बेल्जियम (लस एन्जलस)
• जुन २६: इरान vs इजिप्ट (सियाटल)

आजमुन नभए पनि टोलीमा मेहदी तारेमी (ओलम्पियाकोस, ग्रीस) र अलिरेजा जहानबख्श परेका छन्।

इरानी विश्वकप टोली

गोलकिपर: अलिरेजा बेइरानभान्ड, पायम नियाजमन्द, होसेन होसेनी
डिफेन्डर: एहसान हज्साफी, मिलाद मोहम्मदी, अली नेमाती, शोजाई खलिलजादेह, होसेन कनानीजादेगन, डानियल एरी, रामिन रेजाईयान, सालेह हरदानी
मिडफिल्डर: सामान घोडोस, सइद एजातोलाही, मोहम्मद घोरबानी, रोजबेह चेश्मी, अमीरमोहम्मद रज्जाघिनिया, मोहम्मद मोहेबी, मेहदी तोराबी, मेहदी घायेदी, अलिरेजा जहानबख्श, अरिया युसेफी
फरवार्ड: मेहदी तारेमी, अमीरहोसेन होसेनजादेह, अली अलीपुर, शहरियार मोघान्लो, डेनिस एकर्ट

आजमुनको अनुपस्थितिले इरानी टोलीमा रणनीति र आक्रमणमा केही प्रभाव पर्ने विश्लेषकहरूले अनुमान लगाएका छन्।