गढीमाई मन्दिर पुगिन् मन्त्री गौरीकुमारी यादव, धार्मिक पर्यटन विकासमा जोड
जेठ १३, काठमाडौं । गौरीकुमारी यादव ले बारा जिल्लास्थित विश्वप्रसिद्ध शक्तिपीठ गढीमाई मन्दिर मा पुगेर दर्शन तथा विशेष पूजाअर्चना गर्नुभएको छ।
मधेस प्रदेश भ्रमणका क्रममा मन्त्री यादव बुधबार बिहान महागढीमाई नगरपालिकामा रहेको मन्दिर परिसर पुग्नुभएको हो। उहाँलाई गढीमाई मन्दिर विकास समिति, स्थानीय जनप्रतिनिधि तथा सर्वसाधारणले भव्य स्वागत गरेका थिए।
मन्दिर समितिका अनुसार मन्त्री यादवले देशमा अमनचयन, समृद्धि र नागरिकको सुख–समृद्धिको कामना गर्दै मूल मन्दिरमा विधिपूर्वक पूजा गर्नुभएको थियो।
पूजाअर्चनापछि सञ्चारकर्मीसँग संक्षिप्त कुराकानी गर्दै गौरीकुमारी यादव ले गढीमाई मन्दिर नेपालमात्र नभई अन्तर्राष्ट्रिय स्तरकै आस्थाको प्रमुख केन्द्र भएको बताउनुभयो।
उहाँले धार्मिक पर्यटनको विकासले स्थानीयसँगै राष्ट्रिय अर्थतन्त्रमा समेत सकारात्मक योगदान पुग्ने विश्वास व्यक्त गर्दै गढीमाई क्षेत्रको पूर्वाधार तथा पर्यटन प्रवर्द्धनमा सरकारले आवश्यक सहयोग गर्ने संकेत गर्नुभयो।
प्रतिक्रिया दिनुहोस्