कर्मचारीहरूलाई ज्यानमार्ने धम्किप्रति ज्योति विकास बैंकको गम्भीर ध्यानाकर्षण

काठमाडौं । ज्योति विकास बैंकको रुपनी शाखाका ऋणी सप्तकोशी इन्टिग्रेटेड एग्रो फर्म प्रा.लि.का सञ्चालक ऋणीहरुले कर्जाको किस्ता नियमित गर्ने सम्बन्धमा छलफल गर्न भनि संवादका लागि टेलीफोनबाट कुराकानी भए बमोजिम बिकास बैंकका क्षेत्रीय कार्यालय बर्दिबासका २ जना कर्मचारीहरु कर्जाको किस्ता नियमित गर्ने सम्बन्धमा ऋणीसँग छलफल गर्न जाँदा ऋणिहरुले उनीहरुमाथी आक्रमण र नियन्त्रण्मा लिई ज्यानमार्ने धम्कि दिएको छ ।

यसरी ऋणिहरुलाई किस्ता नियमित गर्न भन्न जाँदा कर्मचारीहरुलाई फर्म रहेको स्थानमा ऋणी प्रा.लि.का संचालक, निजका परिवारका सदस्य तथा सहयोगीहरुले छलफलका लागि खटाइएका कर्मचारीहरूलाई नियन्त्रणमा लिई नियोजित रूपमा दुव्र्यवहार गर्दै ज्यान मार्ने उद्देश्यले आक्रमण गरिएको गम्भीर आपराधिक घटनाको यस विकास बैंक घोर भत्र्सना गरेको छ ।

अपराधिक मनोवृत्तिले सुनियोजित ढंगबाट घण्टौंसम्म आफ्नो नियन्त्रणमा लिई बहालवाला उपमेयर समेतको संलग्नतामा भएको यो घटना अत्यन्त खेदजनक रहेको बैंकले जार िगरको विज्ञप्तिमा भनिएको छ । साथै बंकले कर्मचारीहरुलाई नियन्त्रणमा लिई धितो लिलामी स्थगनको निर्णय लिखित रुपमा तत्काल केन्द्रिय कार्यालयबाट पत्र उपलब्ध नगराएमा ज्यान लिने धम्की दिएको अवस्थामा सुरक्षा निकायबाट कुनै सहयोग नपाएपछि बैंकलाई विकल्पविहिन अवस्थामा उक्त पत्र लेख्न बाध्य बनाइएको व्यहोरासमेत उल्लेख गरेको छ ।

यस ज्योति विकास बैंक लि. नियामक निकाय नेपाल राष्ट्र बैंकबाट जारी गरिएका नीति तथा निर्देशन र विभिन्न ऐन, नियमको पालना गर्दै बैंकिग ब्यवसाय गर्ने राष्ट्रिय स्तरको विकास बैंकको हो र यसका कर्मचारीहरु उक्त ब्यवसाय सञ्चालन गर्ने साधक हुन् । सोही ब्यवसायिक दायित्व पालनाका क्रममा भएको यो घटना निकै नै दुर्भाग्यपुर्ण छ ।

हाल पछिल्ला समयहरुमा बैंक तथा वित्तीय संस्थाहरू विभिन्न अराजक तथा अपराधिक गतिविधिको निशानामा परिरहेकोमा यस विकास बैकका कर्मचारीहरु समेत यस्ता अपराधिक व्यक्तिहरुको निशानमा परेको प्रति दुःख व्यक्त गर्दै, यस्ता आपराधिक कार्यहरूको घोर निन्दा तथा भत्र्सना गर्दछौ । अपराधीहरूलाई कानुनी दायरामा ल्याई कडा भन्दा कडा कारवाहीको लागि आवश्यक कानुनी प्रक्रिया समेत अघि बढाइसकीएको व्यहोरा जानकारी गराउँदछौं । साथै यस्ता अपराधिक मनसायले गरिने कार्यहरू विरुद्ध यस विकास बैंक सदैव कडा रूपमा उभिने प्रतिबद्धता समेत व्यक्त गर्दछ जारी विज्ञप्तिमा भनिएको छ ।