प्रतिनिधिसभा पुनर्स्थापनाको माग लिएर कांग्रेस पनि सर्वोच्च पुग्यो

काठमाडौं, २१ मंसिर । प्रतिनिधिसभा पुनर्स्थापनाको माग लिएर नेपाली कांग्रेस पनि सर्वोच्च अदालत गएको छ ।

कांग्रेसले वारेसमार्फत पूर्वमहान्यायाधिवक्ता खम्म खातीलाई संसद् पुनर्स्थापनाको माग लिएर सर्वोच्च पठाइएको प्रमुख सचेतक श्याम घिमिरेले जानकारी दिए ।

‘संसद् पुनर्स्थापनाको माग लिएर हामीले वारेसमार्फत खम्मजीलाई अदालत पठाएका छौं,’ घिमिरेले भने । खम्म खाती कांग्रेस निर्वाचन समिति संयोजक पनि हुन् ।

यसअघि नेकपा एमालेले पनि संसद् पुनर्स्थापनाको रिट निवेदन दर्ता गराएको छ ।

हिजो काँग्रेस सभापति शेरबहादुर देउवा र एमाले अध्यक्ष केपी शर्मा ओलीबीच जेन जी आन्दोलनपश्चात पहिलो पटक भेटवार्ता भएको थियो ।