छठ पर्वको मुख्य दिन आज विभिन्न कार्यक्रम मनाईंदै

काठमाडौं, १० कार्तिक । नेपालीहरुको मुख्य चाडका रुपमा रहेको छठ पर्वको मुख्य दिन आज विभिन्न कार्यक्रम गरि तराई, पहाड र हिमालसम्म मनाईंदै छ । आज साँझ अस्ताउँदो सूर्यलाई पूजा आराधना गरी अर्घ दिइँदैछ ।

छठ पर्वको मुख्य दिन अस्ताउँदो सूर्यलाई पूजा आराधना गरी अर्घ दिइन्छ भने त्यसको भोलिपल्ट बिहान उदाउँदो सूर्यलाई अर्घ दिएर छठ समापन गरिन्छ ।

अस्ताउँदो सूर्यलाई अर्घ दिने छठ पर्वको मुख्य दिन आज सरकारले सार्वजनिक बिदा दिएको छ ।

ब्रतालुले आज रातभर जाग्राम बसेर भोलि बिहान उदाउँदो सूर्यलाई अर्घ दिन्छन् र छठ पर्व समाप्त हुन्छ ।

अस्ताउँदो सूर्यलाई अर्घ दिन राजधानीका गौरीघाट, कमलपोखरी, विष्णुमती, नख्खु, गहनापोखरी, कुपण्डोललगायत काठमाडौंका ९ स्थानमा पूजास्थल निर्माण गरिएको छ ।

विशेषगरी तराई क्षेत्रमा मनाइने छठ पछिल्लो समय पहाaडी र हिमाली क्षेत्रका मानिसले पनि मनाउँदै आएको पाइन्छ । यसले सामाजिक सद्भाव र एकता कायम राख्न मद्दत गरेको छ । चार्ड पर्व हाम्रो धार्मिक र सामाजिक दुवै दृष्टिकोाणले उपयुक्त छ । यसले समाजलाई जोड्ने काम गर्दछ । आफन्त इष्टमित्रलाई भेटाउने काम गर्दछ ।
छठको व्रत विधिपूर्वक सम्पन्न गर्नाले मनोवाञ्छित फल पाइने, परिवारको कल्याण हुने र आफ्ना सम्पूर्ण दुःख र कष्ट हटेर धार्मिक तथा जाने जनविश्वास छ ।

छठका व्रतालुले कार्तिक शुक्ल चतुर्थीदेखि नै चोखो खानपान गरी शुद्ध भएर बस्ने गर्छन् । केही व्रतालुले भने कोजाग्रत पूर्णिमाको भोलिपल्ट अर्थात् कार्तिक कृष्ण प्रतिपदादेखि लसुन, प्याजलगायत तामसी खाद्यपदार्थ नखाइ चोखो अर्थात् सात्विक भोजन गरेर बस्छन् । यसैले यो पर्व अत्यन्तै पवित्र भएर मनाउने चाडका रुपमा पनि स्थापित भएको छ । यसको महत्व अझ बढ्दै गएको छ । छठ पर्वको रौनक छाएको छ । नदी तलाउ पोखरी रंगिन भई सजाइएको छ ।