मापडण्ड विपरितको औषधि बरामद

काठमाडौं, ७ असोज । मापदण्ड विपरीतको विभिन्न औषधिहरु औषधि फार्महरुले बिक्री वितरण गर्दै आएको पाईएको छ । प्रहरी वृत महाराजगञ्जको टोलीले औषधि पसलमा छापा मार्दा मापदण्ड विपरीत बिक्री वितरण गरेको पाइएको हो । प्रहरीले औषधि पममा छापा मार्दा मापडण्ड विपरितको औषधि बरामद गरेको हो ।

काठमाडौँ टोखा नगरपालिका–५ बसुन्धरामा रहेको तक्षक फार्मेसीमा चिकित्सकको अनुमतिले बिक्री वितरण गर्नुपर्ने औषधि मापदण्ड विपरीत बिक्री बितरण गरेको भन्ने सूचनाका आधारमा औषधि बरामद गरिएको वृत्तमहाराजगञ्जका प्रहरी निरीक्षक लक्ष्मण देवकोटाले जानकारी दिए ।

उनका अनुसार स्पेन लेखिएको ३८५ ट्याबलेट, एन्टिकोफ लेखिएको ७५० ट्याबलेट, प्रिगेबलिन लेखिएको १०० ट्याबलेट प्रिगेबलिन क्याप्सुल एलपी लेखिएको २०० क्याप्सुल र प्रिगेमर ७५ लेखिएको १०० क्याप्सुल बरामद समेत गरेको छ ।

उनका अनुसार उक्त फार्मेसी सङ्खुवासभा खादवारी नगरपालिका–८ का ४० वर्षीय प्रकाश गौतम समेतले सञ्चालन गरेको पाइएको छ। औषधि व्यवस्था विभागसँग समन्वय गर्दा मापदण्ड विपरीत बिक्री गरिएको पाइएको छ । यसल मानिसको स्वास्थ्यसँग खेलवाण गरेको छ । थप अनुसन्धान गरि कारवाही गरिने पहरीले जनाएको छ ।