वर्षा कारण अलपत्र भए तपशिलको नम्बरहरुको सम्पर्क गर्न सकिन्छ

काठमाडौं, १८ असोज । सरकारले झरी र बाढीपहिरोबाट प्रभावित भएकाहरूलाई सकेसम्म छिटो उद्दार र राहत उपलब्ध गराउने निर्णय गरेको छ ।

सरकारले आपतमा परेकाहरूलाई नजिकको स्थानीय प्रशासनमा फोन गरेर सहयोग माग्न भनेको हो ।

यदि तपाईहरु झरी र बाढीबाट प्रभावितहरूलाई तत्काल उद्दार गर्न आवश्यक परे हेलिकप्टरको व्यवस्थापन गर्न पनि निर्देशन दिएको छ ।

गृह मन्त्रालयले झरीका कारण बाटोमा अलपत्र परेकाहरूलाई सुरक्षित स्थानमा सार्ने र उनीहरूलाई बस्ने तथा खाने व्यवस्था मिलाउन स्थानीय प्रशासनहरूलाई निर्देशन दिने निर्णय गरेको हो ।

त्यसका लागि ७७ जिल्लाका स्थानीय प्रशासन र सुरक्षा निकायहरूको फोन नम्बर सार्वजनिक गरेको छ ।

उसले अलपत्र परेकाहरूलाई सुरक्षित ठाँउमा सार्न निर्देशन दिएको हो । यदि तपाई वर्षा कारण अलपत्र  भएको छ भने तपशिलको नम्बरहरुको सम्पर्क गर्न सकिन्छ ।