काठमाडौं, जडिबुटीमा बससँग स्कुटर ठोक्किँदा दुई जनाको मृत्यु

काठमाडौं, १३ भदौ । बससँग स्कुटर ठोक्किँदा दुई जनाको मृत्यु भएको छ ।

आज बिहान करिब पौने तीन बजेतिर काठमाडौं, जडिबुटीको आकासे पुल नजिकै रोकिराखेको बागमती प्रदेश ०१–००६ ख ४२४३ नम्बरको बसमा कोटेश्वरबाट जडिबुटीतर्फ जाँदै गरेको लु ४३ प ४९३८ नम्बरको स्कुटर ठोक्किएर दुर्घटना भएको थियो । सो दुर्घटनामामा दुई युवाको मृत्यु भएको हो ।

दुर्घटनामा स्कुटर चालक पश्चिम नवलपरासीको सुनवल नगरपालिका १ घर भई हाल भक्तपुरको लोकन्थली बस्ने २२ वर्षीय शिरिस पौडेल र काभ्रेको पाचँखाल–२ होक्से घर भएका २३ वर्षका नितेश नेपालको मृत्यु भएको हो ।

उनीहरूको उपचारको क्रममा राष्ट्रिय ट्रमा सेन्टर काठमाडौंमा मृत्यु भएको प्रहरीले जनाएको छ ।

बस चालक प्रहरी नियन्त्रणमा लिई थप अनुसन्धान भईरहेको छ ।