“विद्यालोक धरान” नामक कृति लोकार्पण 

काठमाडौँ।  वरिष्ठ गितकार कालिप्रसाद रिजालले एक समारोहबीच “विद्यालोक धरान” नामक कृति लोकार्पण गर्नुभएको छ।

प्रवेशिका परीक्षा समूह-२०२५ धरानले प्रकाशन गरेको उक्त पुस्तक वरिष्ठ गितकार रिजालले  विमोचन गर्नुभएको हो।

पुस्तकमा धरानका तत्कालीन छ ओटा हाइस्कूलबाट विसं २०२५ को एसएलसीमा सम्मिलित विद्यार्थीको आपसी मित्रताको इतिहास, तत्कालीन समयको शिक्षाको अवस्थालाई लिपिबद्ध गरिएको छ।

त्यसैगरी छ अध्यायमा विभाजन गरिएको कृतिमा धरानको भोगगोलिक, सांस्कृतिक, धार्मिक, स्मरण, काव्य, प्रतिष्ठित व्यक्तिका रचना समावेश गरिएको छ।

सो अवसरमा गितकार रिजालले करिब छ दशक अगाडिका विद्यार्थीले समूह बनाएर सामाजिक विकासका काम गर्न अग्रसर भएकामा सराहना गर्दै

साहित्य भावनात्मक अभिव्यक्ति गर्ने माध्यम साहित्य भएको बताउनुभयो ।

उहाँले देशप्रेमले ओतप्रोत ती विद्यार्थीले समाजका विभिन्न क्षेत्रमा गरेको योगदान स्मरण गर्दै साहित्य लेखनी समाज परिवर्तनको सशक्त माध्यम भएको विचार व्यक्त गर्नुभयो।

वरिष्ठ पत्रकार कृष्ण भुसालले उक्त समूहले नेपाली साहित्य र समाजसेवामा एक अविस्मरणीय योगदान दिएर ऐतिहासिक कार्य गरेको बताउँदै यसको साहित्यिक, ऐतिहासिक तथा अभिलेखीय महत्व अतुलनीय रहेको बताउनुभयो । उहाँले आफू स्वयं पनि यो समूहको स्थापना कालदेखि नै विविध सामाजिक क्रियाकलापमा सहभागी हुँदै आएको जानकारी दिँदै यति महत्वपूर्ण कार्यमा संलग्न हुन पाउँदा आत्मिक सन्तोष मिलेको विचार व्यक्त गर्नुभयो।